52 Elims; 18 Semis & 11 Final

3^rd Press Release

P30M Bakbakan 2009 10-Stag National Derby

52 Elims; 18 Semis & 11 Finals

“A bird-war of epic proportion”, Joey Sy, ang may ngiting pahayag ni Joey Sy para ilarawan ang tindi ng parating na edisyon ng pinakamalaking taunang pasabong, hindi lamang sa Pilipinas kundi sa buong mundo. Si Sy ang pangulo ng Rizal Gamefowl Breeders Association at siya rin Marketing Committee Chairman para 2009 Bakbakan.

May makasaysayang garantisadong premyo na P30 milyon, ang 2009 Bakbakan 10-Stag National Derby ay magsisimula sa Oktubre 10 sa opisyal na pagtataas ng kurtina ng Bakbakan sa pamamagitan ng pagratsada ng una sa 52 magkakahiwalay na eliminasyon na gaganapin sa San Juan Gymnasium, La Union sa pagitan ng mga kasapi ng La Union Gamefowl Breeders Association (LUGBA). Sundan ito ng mga eliminasyon sa bawat sulok ng bansa na nasasakupan ng 29 na member-associations sa ilalim ng National Federation of Gamefowl Breeders. Meron din mga magkahalo at mga pambansang eliminasyon.

Ang 18 3-stag semis ay magsisimula naman sa Nobyembre 7, kung saan tatlong magkakasabay na sultadahan ang gagawin sa R. Guanzon Sports Center sa Bacolod City sa pagitan ng mga taga- Negros Gamefowl Breeders Ass’n (NGBA) at ng Gamefowl Breeders Ass’n of Negros (GFBAN); sa Iloilo Coliseum para sa mga kasapi ng Panay Gamefowl Breeders Ass’n (PAGBA) at sa Batac Cockpit, Batac, Ilocos Norte para sa mga taga-United Ilocandia Gamefowl Breeders Ass’n (UNIGBA).

Ang 11-bahaging 4-stag finals ay papagitna simula sa Nobyembre 14, samantalang ang Grand Finals ay nakatakda sa Araneta Coliseum sa Disyembre 3, kung saan maghaharap ang laht ng kalahok na may iskor na 5.5 o 6 points para desiyunan kung kanino mapupunta ang P15 milyon na champion’s prize at ang prestihiyosong Bakbakan trophy.

Para sa karagdagan detalye at sa mga nais lumahok, bumisita lamang sa http://bakbakan2009.blogspot.com o kaya ay mag-email sa bakbakan2009@gmail.com

P30M Premyo Nakataya sa 2009 Bakbakan Derby

Ang 2009 Annual Bakbakan National 10-Stag Derby ay muling nagbabalik sa pagtatala ng mga bagong rekord, nanang ang host nito, ang National Federation of Gamefowl Breeders (NFGB) ay maganunsiyo garantisadong premyo na P30,000,000 – pinakamalaki sa kasaysayan ng Philippine cockfighting.

Ang champion’s prize ay nakakalulang P15 milyon. Ang lahat ng maka-iskor ng 3 panalo o 3 puntos sa eliminasyon ay makikihati sa “first-salvo prize of four million-peso prize (P4,000,000)” samanatalang ang makaka-iskor ng perfektong 3 panalo sa eliminasyon na susndan ng 3 panalo sa semis ay maghahati sa “finalists-prize of two-million-pesos(P2,000,000)”. Noong nakaraang taon, 15 lamang ang nakagawa ng ganito.

Para sa makakapagposte ng “any 7 points” – P4 milyon; para sa “any 8 points” – P2.5 milyon; para sa “any 9 points” – P1.5 milyon; para sa overall runner-up nakataya ang P500,000, samatalang sa handler at mananari ng magkakampiyon na entry ay P400,000 at P100,000, ang nakalaan. Ang entry fee ay P15,000.

“Ang Bakbakan ang Filipino breeders' derby at sa nakaraang mga taon kami ay nakapaglatag ng subok na sistema upang masiguro na parehas ang labanan upang ang lahat ng kalahok ay magkaroon ng patas na tsansang manalo,” pahayag ni Batac, Ilocos Norte Mayor Jess Nalupta na siyang NFGB’s Vice President for North Luzon.

“Ang mga wingband numbers at ang pagkilala sa mga stags ay masusing nasusuri sa pamamagitan ng double checking sa aming rekord at hindi lamang ibinabase sa breeder’s screening receipt”, pagmamalki ni Freddie Yulo – isa sa mga nagtatag ng NFGB. "Lahat ng derby ay computer-matched at pinamamahalaan ng mga well trained working committee members" , dagdag pa niya.

NFGB TARGET ANG BAGONG REKORD SA 2009 BAKBAKAN DERBY

Sa 2,210 na manukan na nabisita sa buong bansa kung saan 202,708 na mga cockerels ay nakabitan ng wingband, ang National Federation of Gamefowl Breeders ay nagpahayag ng kompiyansa na madali nilang makukuha ang 2,000-entry target para sa 2009 Bakbakan 10-Stag national Derby dahil sa inaasahyang 2,210 entries na siguradong lalahok. Nakataya ang garantisadong premyo na P30 milyon kung saan ang entry fee ay P15,000.

“That is just assuming that each farm will field one entry for a 100 percent turn-out” pahayag ni NFGB President Ricoy Palmares, na nagreport din na noong 2008, may 2,203 ang lumahok mula sa 1,972 farms na naikutan para sa 120% na turn-out.
“Mukhang bagong record na naman ito”, dagdag ni Palmares.

Sa 29 na miyembrong samahan sa ilalim ng NFGB, ang Panay Gamefowl Breeders Ass’n ang nagtala ng pinakamaraming manukan na 210 at pinakamaraming na-band na manok - 19,719. Base sa mga manukan na nagpa-screen, pumapangalawa ang Batangas Breeders Club sa pamumuno ni NFGB Vice President for South Luzon Fred Katigbak na may 146 farms at 14,616 cockerels. Ikatlo naman ang 3-taon gulang pa lamang na Rizal Gamefowl Breeders Ass’n na may 144 farms at 13,473 manok na narehistro.

Ang kauna-unahang gamefowl breeders group sa bansa – ang Negros Gamefowl Breeders Association sa pangunguna ni dating La Carlota City Mayor Juancho Aguirre ay ikaapat - 132 farm, subalit 14,048 naman ang batang manok na bandingan, samnatalang ang grupo ni Al Garcia na Gamefowl Breeders Association of Negros ay ikalima sa pinakamarami - 127 farm at 14,000 manok-panabong.

Ang 2009 Bakbakan ay mag-uumpisa sa Oktubre 10 tampok ang magkakahiwalay na eliminasyon sa iba-ibang bahagi ng bansa , at magtatapos sa Disyembre 3 sa Araneta Coliseum kung saan magtutuos ang mga walang-talong entry para sa kampeonato.